డిపిఆర్ఒ

సమాచార మరియు పౌరసంబంధాల శాఖ

లక్ష్యాలు:

సమాచార మరియు పౌరసంబంధాల శాఖ విభాగం సమాచారం, ప్రచారం మరియు ప్రజా సంబంధాల వ్యాప్తి మరియు ప్రసారం ద్వారా పనిచేస్తుంది. శాఖాపర పథకాల అమలుపై ప్రజల్లో అవగాహనకు మల్టీ-మీడియా వ్యవస్థలను సమర్థవంతమైన ప్రచారం కోసం ఉపయోగించుకుంటుంది.  ప్రజలకు మరియు ప్రభుత్వానికి మధ్య వారధిగా పనిచేయడంలో శాఖ పనిచేస్తుంది. అన్ని వర్గాల ప్రజలకు ప్రభుత్వ విధానాలు, ప్రణాళికలు మరియు వారి సంక్షేమం మరియు అభివృద్ధి కోసం ఉద్దేశించిన కార్యక్రమాలపై అవగాహన కల్పిస్తుంది.

మెథడాలజీ:ప్రభుత్వ విధానాలు మరియు కార్యక్రమాల గురించి ప్రజలకు తెలియజేయడం, మరోవైపు దాని విధానాలు మరియు కార్యక్రమాల పట్ల ప్రజల స్పందన గురించి ప్రభుత్వానికి తెలియజేయడం శాఖ విధి. కమ్యూనికేషన్ అనేది సామాజిక-ఆర్థిక అభివృద్ధికి అత్యంత కీలకమైన ప్రక్రియ. శాఖ సమాచారం మరియు ప్రచార కార్యకలాపాల వ్యాప్తి కోసం ఈ విభాగం విభిన్న రీతులను అవలంబిస్తుంది.

విధులు:VIVIP, VIP మరియు జిల్లా కలెక్టర్ సందర్శనలను కవర్ చేయడం. మాస్ మీడియా ద్వారా ప్రభుత్వ కార్యకలాపాలను ప్రచారం చేయడం. అన్ని ప్రభుత్వ శాఖల ప్రకటనలు, నోటిఫికేషన్, టెండర్లు ఈ శాఖ ద్వారా జారీ చేయడం. తెలంగాణ మ్యాగజైన్ ప్రచురణ, కమ్యూనిటీ రేడియో మరియు టెలివిజన్ సెట్‌లను నిర్వహించడం, పబ్లిక్ అడ్రస్ సిస్టమ్, ఆడియో విజువల్ పరికరాల నిర్వహణ. ప్రభుత్వం అందుబాటులో ఉంచిన సేవల గురించి ప్రజలకు తెలియజేయడం. ప్రభుత్వ సంక్షేమ, అభివృద్ధి పథకాలపై, వ్యవసాయ, ఆరోగ్యంపై, అంటరానితనం, వరకట్నం, బాల్య వివాహాలు, జోగిని, బానిస కార్మికులు, బాల కార్మికులు, బానమతి మొదలైన సామాజిక దురాచారాల నిర్మూలనకు తెలంగాణ రాష్ట్ర సాంస్కృతిక సారధి కళాకారులచే గ్రామాల్లో ప్రదర్శనలు ఇచ్చి ప్రజల్లో చైతన్యం తేవడం.

జిల్లా పౌరసంబంధాల అధికారి కార్యాలయము, జనగామ ఉద్యోగుల వివరాలు